ರೇಪಿಸ್ಟ್ ಹನುಮಂತ ಮತ್ತೆ ಹಿರಿಯಡ್ಕ ಜೈಲಿಗೆ!

ಹನುಮಂತ ಹೆಂಗೆ ತಪ್ಪಿಸಿಕೊಂಡ ಗೊತ್ತಾ?


ಹದಿನೇಳರ ಹರೆಯದ ಹುಡುಗಿಯ ಮೇಲೆ ಮಣಿಪಾಲದ ಶಿವಳ್ಳಿಯ ಸಗ್ರಿ ಸಮೀಪದ ನಿರ್ಜನ ಪ್ರದೇಶವಾದ ಹಾಡಿಯ ಬಳಿ ಅತ್ಯಾಚಾರಗೈದಿದ್ದ ಉತ್ತರ ಕನ್ನಡ ಭಾಗದ ಕೂಲಿ ಕಾರ್ಮಿಕ ಹನುಮಂತ ಕಂಬಳಿಯ ರೋಚಕ ಸ್ಟೋರಿಯೊಂದು ಉಡುಪಿಯಾದ್ಯಂತ ಸದ್ದು ಮಾಡಿತ್ತು!

ಹನುಮಂತನ ಹಾಗೇ ಕೆಲಸದಲ್ಲಿ ನಿರತಳಾಗಿದ್ದ ಹದಿನೇಳು ವರ್ಷ ಪ್ರಾಯದ ಬಾಲಕಿಗೆ ಆಮೀಷ ಒಡ್ಡಿ ಹನುಮಂತ ಆಕೆಯನ್ನ ಪುಸಲಾಯಿಸಿದ್ದ.ನಂತರ ನಡೆದದ್ದೆಲ್ಲವೂ ತೀವ್ರವಾದ ಕ್ರೌರ್ಯವೇ..  ಖುದ್ದು ಹನುಮಂತನ ಬಾಯಲ್ಲೇ ಆ ಘಟನೆಗಳ ಬಗ್ಗೆ ಕೇಳುವುದಾದರೆ ಅದೇ ಇನ್ನೊಂದು ಸ್ಟೋರಿ! ಪೊಲೀಸರದ್ದೂ ಇದರಲ್ಲಿ ಕೊಂಚ ಕೇಸಿಗೆ ಅನುಕೂಲವಾಗುವಂತ ಕಟ್ಟು ಕಥೆ ಇದ್ದಿರಲೂ ಬಹುದಾದರೂ ಅದು ಪೂರ್ತಿ ಸುಳ್ಳಲ್ಲ! ಹನುಮಂತನೂ ತನ್ನದೇನೂ ತಪ್ಪಿಲ್ಲ ಎಂದು ತನ್ನ ತಾನು ಸಮರ್ಥನೆ ಮಾಡಿಕೊಳ್ಳುವ ಭರದಲ್ಲಿ ಹಾಗಿನದ್ದೊಂದು ಕಥೆ ಹೆಣೆಯುತ್ತಿದ್ದಾನೆ ಅಂತನ್ನಿಸುತ್ತದೆಯಾದರೂ ಆತ ಹೇಳುವುದೂ ಪೂರ್ತಿ ಸುಳ್ಳಲ್ಲ!

ಕಿರಾಣಿ ಅಂಗಡಿಯಾಕಿ

ಪೋಕ್ಸೋ ಕಾಯ್ದೆಯಾದ ಕಾರಣಕ್ಕೆ ಆಕೆಯ ಹೆಸರನ್ನಾಗಲಿ, ಪೋಟೋವನ್ನಾಗಲಿ ಪಬ್ಲೀಷ್ ಮಾಡಲಾಗುತ್ತಿಲ್ಲ! ಉತ್ತರ ಕರ್ನಾಟಕ ಭಾಗದ ಆಕೆ ಉಡುಪಿ ಕೃಷ್ಣ ಮಠದ ಸನಿಹದ ಕಿರಾಣಿ ಅಂಗಡಿಯೊಂದರಲ್ಲಿ ದಿನಗೂಲಿ ನೌಕರಿಯಲ್ಲಿದ್ದಾಕೆ. ಆಕೆಗೆ ಮೊದಲೇ ಹನುಮ್ಯನ ಪರಿಚಯವಿತ್ತಾ? ಗೊತ್ತಿಲ್ಲ! ಆದರೆ ಹನುಮಂತನ ಸ್ಟೋರಿಯ ಪ್ರಕಾರ ಆಕೆಗೂ ಹನುಮ್ಯನಿಗೂ ಮೊದಲೇ ಸಂಪರ್ಕವಿತ್ತು! ಆಗಾಗ ಆಕೆಯನ್ನ ಸಂಧಿಸುತ್ತಿದ್ದ! ಇಬ್ಬರದ್ದೂ ಪ್ರಾದೇಶಕವಾಗಿ ಒಂದೇ ಕಡೆಯಾದ್ದರಿಂದಲೂ, ಗೊತ್ತಿಲ್ಲ! ಇಬ್ಬರ ನಡುವೆಯೂ ಒಂದು ಲಿಂಕ್ ಬೆಳೆದದ್ದು ದಿಟ!

ಹಾಗೆ ಸಂಪರ್ಕಕ್ಕೆ ಬಂದಿದ್ದ ಆಕೆಯನ್ನ ಹನುಮ್ಯ ಆಗಾಗ ಗುಪ್ತ ಪ್ರದೇಶಕ್ಕೆ ಕರೆದೊಯ್ದು ಭೇಟಿ ಮಾಡುತ್ತಿದ್ದ ಮತ್ತು ಆಕೆಗೆ ರೊಕ್ಕವನ್ನೂ ಕೊಡುತ್ತಿದ್ದ! ಹಾಗಂತ ಆಕೆ ರೊಕ್ಕಕ್ಕೇ ಯಾರೊಂದಿಗೆ ಬೇಕಿದ್ದರೂ ಹೋಗಿದ್ದು ಮಲಗೆದ್ದು ಬರುವವಳಾ? ನೋಡಿದರೆ ಹಾಗಿನ ಯಾವ ಛಾಯೇಯೂ ಅವಳಲ್ಲೂ ಕಾಣಿಸುವುದಿಲ್ಲ! ಮತ್ತು ಎಲ್ಲಿಯೂ ಆಕೆ ಅಂಥವಳೇ ಎನ್ನುವ ರಿಪೋರ್ಟೂ ದೊರಕುವುದಿಲ್ಲ

ಈ ನಡುವೆ ಮಾರ್ಚ್ ಒಂಬತ್ತರ ದಿವಸ ಇಬ್ಬರೂ ಭೇಟಿಯಾಗುತ್ತಾರೆ.. ಶಿವಳ್ಳಿಯ ಮೂಡುಸಗ್ರಿಯ ಹಾಡಿಯೊಂದರೊಳಕ್ಕೆ ಇಬ್ಬರೂ ಜೊತೆಯಾಗಿಯೇ ನಡೆದು ಹೋಗುತ್ತಾರೆ! ಅದನ್ನ ಗಮನಿಸಿದವರಿದ್ದಾರೆ. ಅವರು ಜೊತೆಯಾಗಿ ಹೋದ ದೃಶ್ಯಗಳು ಸಿಸಿ ಕ್ಯಾಮರಾಗಳ ಹಾರ್ಡ್ ಡಿಸ್ಕಿನೊಳಗೆ ರಿಸ್ಕನ್ನು ಹೊದ್ದು ಸೇಫಾಗಿ ಮಲಗಿದ್ದವು! ಹನುಮಂತನ ಬಾಯಲ್ಲ್ ಕೇಳೋದಾದರೆ ’ಸಾರ್, ಅದೇ ಮೊದ್ಲಲ್ಲ, ಯಾವಾಗ್ಲೂ ಆಕಿ ಜೊತೆಗೆ ಹೋಗ್ತಾ ಇದ್ದೆ, ರೊಕ್ಕಾನು ಕೊಡ್ತಾ ಇದ್ದೆ! ಆದ್ರೆ ಅವತ್ತು ರೊಕ್ಕ ಇದ್ದಿರಲಿಲ್ಲ, ಅದೇ ಮಾತಿಗೆ ಮಾತು ಬೆಳೀತು.. ಆಕಿ ಕೂಗೋಕೆ ಹೊಂಟ್ಲು! ಭಯ ಆಯ್ತಲ್ಲಾ ಸಾ? ಆಕಿ ಚೂಡಿ ಶಾಲ್ ಐತಲ್ಲಾ? ಅದ್ರಲ್ಲೇ ಕುತ್ತಿಗೆ ಜೀರಿ ಬಿಟ್ಟೆ” ಎಂದು ಹಿರಿಯಡ್ಕ ಜೈಲಿನ ಗೋಡೆಯತ್ತ ತನ್ನ ಮುಖ ಹೊರಳಿಸುತ್ತಾನೆ ಹನುಮಂತ!

ಪುಸಲಾಯಿಸಿ ಕೊಂದ!

ಆಕೆಯನ್ನ ಹುನುಮಂತ ಹೆಚ್ಚು ಸಂಬಳ ಬರುವ ಕೆಲಸ ಕೊಡಿಸುತ್ತೇನೆ, ಎಂದು ಪುಸಲಾಯಿಸಿ ಕರೆದೊಯ್ದಿದ್ದಾನೆ! ನಂತರ ಬಲವಂತವಾಗಿ ಅತ್ಯಾಚಾರ ನಡೆಸಿದ್ದಾನೆ! ಹಾಗನ್ನುತ್ತದೆ ಪೊಲೀಸ್ ಪೈಲು. ಉಡುಪಿಯ ಮಣಿಪಾಲ ಪೊಲೀಸ್ ಠಾಣೆಯ ಇನ್ಸ್ಪೆಕ್ಟರ್ ಸುನಿಲ್ ಕುಮಾರ್ ಅತ್ಯಂತ ಪ್ರಮಾಣಿಕ ಅಧಿಕಾರಿ, ಮಾರ್ಚ್ ಒಂಬತ್ತರ ಮುಸ್ಸಂಜೆ ಆರು ಗಂಟೆಗೆ ಸರಿಯಾಗಿ ಮಹಿಳೆಯೊಬ್ಬಳ ಶವವೊಂದು ಮೂಡುಸಗ್ರಿಯ ಹಾಡಿಯಲ್ಲಿ ಸಿಕ್ಕಿರುವ ಮಾಹಿತಿ ದೊರಕುತ್ತಲೇ ಪೊಲೀಸರು ಅಲರ್ಟ್ ಆಗುತ್ತಾರೆ. ಉಡುಪಿಯ ಎಸ್.ಪಿ. ನಿಶಾ ಜೇಮ್ಸ್ ಮೊದಲೇ ಎರ್ರಾಬಿರ್ರಿ ಸ್ಪೀಡಾಗಿ ಕೆಲಸ ತೆಗೆಸುವ ಅಧಿಕಾರಿಣಿ.. ಚುನಾವಣಾ ನೀತಿ ಸಂಹಿತೆಯ ಬಿಸಿಯ ನಡುವೆಯೂ ಪೊಲೀಸರು ರಗಡ್ ಸ್ಪೀಡಿನಲ್ಲಿ ಕೆಲಸ ಮಾಡುತ್ತಾರೆ. ಸಿಸಿ ಟಿವಿ ದೃಶ್ಯಗಳಲ್ಲಿ ಆಕೆಯೊಂದಿಗೆ ಕುಳ್ಳಗಿನ, ಗೋಧಿಬಣ್ಣದ, ಹಳದಿ ಅಂಗಿಯ ಯುವಕನೊಬ್ಬ ತೆರಳಿದ, ಮಾತನಾಡಿದ ದೃಶ್ಯಗಳು ಸಿಗುತ್ತವೆ.

 ಆ ಹಿನ್ನೆಲೆಯಲ್ಲಿ ಹುಡುಕಿದಾಗ ಸಿಕ್ಕಿ ಬಿದ್ದವನು ಹನುಮಂತ! ಹನುಮಂತನನ್ನ ಸೆರೆ ಹಿಡಿದ ಪೊಲೀಸರಿಗೆ ಜಿಲ್ಲೆಯ ಜನತೆಯ ಚಪ್ಪಾಳೆಗಳೂ ಸಲ್ಲುತ್ತವೆ! ಕುಂದಾಪುರದ ನ್ಯಾಲಾಯಲದಲ್ಲಿ ಹನುಮ್ಯನನ್ನು ಹಾಜರು ಪಡಿಸಿ ಹಿರಿಯಡ್ಕ ಜೈಲಿಗೆ ಕರೆದೊಯ್ಯುತ್ತಾರೆ.. ಜೈಲಿನ ಬಳಿ ಹೋಗುತ್ತಲೇ ಮನೆಗೆ ಕಾಲ್ ಮಾಡಿ ವಿಷಯ ತಿಳಿಸೋಕೆ ಒಂದು ಅವಕಾಶ ಕೊಡಿ ಎಂದು ವಿನಂತಿಸಿಕೊಳ್ಳುತ್ತಾನೆ ಹನುಮಂತ! ಪೊಲೀಸರೂ ಮನುಷ್ಯರೇ ತಾನೆ? ಆಯ್ತಪ್ಪಾ ಮಾತಾಡು ಎಂದು ತಮ್ಮದೇ ಪೋನೂ ಕೊಡುತ್ತಾರೆ. ಮಾತಾಡಿದ ಹನುಮ ಹತ್ತೇ ಹತ್ತು ನಿಮಿಷಯದಲ್ಲಿ ಪಕ್ಕಾ ಹನುಮನಂತೇ ಛಂಗನೆ ನೆಗೆದು ಅರೆಕ್ಷಣದಲ್ಲೇ ಪೆರ್ಣಂಕಿಲದ ಧಟ್ಟ ಕಾಡಿನೊಳಗೆ ಕಣ್ಮರೆಯಾಗಿ ಬಿಡುತ್ತಾನೆ!

ಮೊದಲೆ ಕತ್ತಲಾಗಿತ್ತಾದ್ದರಿಂದ ಆತನನ್ನ ಹುಡುಕುವುದೇ ಅಸಾಧ್ಯ ಎನ್ನುವ ವಾತಾವರಣ! ಪೊಲೀಸರು ಕೈ ಚೆಲ್ಲಿ ಬಿಡುತ್ತಾರೆ.. ಇದೀಗ ಅಳುವ ಸರದಿ ಪೊಲೀಸರದ್ದು! ಹನುಮ್ಯ ಕಾಣದಂತೆ ಮಾಯವಾಗಿ ಬಿಟ್ಟಿದ್ದ! ಉಡುಪಿಯ ಎಸ್.ಪಿ. ಕಛೇರಿಯಲ್ಲಿ ಸಿಡಿದು ಬೀಳುತ್ತಾರೆ ನಿಶಾ ಜೇಮ್ಸ್! ತಕ್ಷಣವೇ ನಾಲ್ಕು ಪೊಲೀಸು ಸಿಬ್ಬಂಧಿಗಳನ್ನ ಸಸ್ಪೆಂಡ್ ಮಾಡಿದವರೇ ತಂಡವೊಂದನ್ನ ಕಟ್ಟಿ ಇಪ್ಪತ್ತನಾಲ್ಕು ಗಂಟೆಯೊಳಗೆ ಆತನನ್ನ ಹುಡುಕಲೇ ಬೇಕು ಎಂದೂ ಕಟ್ಟಪ್ಪಣೆ ಹೊರಡಿಸುತ್ತಾರೆ! ಜಿಲ್ಲೆಯ ಬೇರೆ ಬೇರೆ ಠಾಣೆಯ ಪಿ.ಎಸ್.ಐ.ಗಳೂ ಆ ತಂಡದಲ್ಲಿರುತ್ತಾರೆ. ಮತ್ತೆ ಪುನಃ ಹನುಮನ ಬೇಟೆ!

ಕಂಗಾಲಾದ ಪೊಲೀಸರು

ಆರೋಪಿಯ ಕೈಗೆ ಸಂಕೋಲೆಗಳನ್ನ ಹಾಕಿ ಕರೆದೊಯ್ಯ ಬೇಕಿದ್ದ ಪೊಲೀಸರು ಆರಾಮಾಗಿ ಓಡಾಡಲು ಬಿಟ್ಟಿದ್ದು, ಆತ ಹೇಳಿದಂತೆ ಕೇಳಿದ್ದು, ಆತನಿಗೆ ಮಾತನಾಡಲು ಮೊಬೈಲು ಕೊಡಿಸಿದ್ದು ಹೀಗೆ ಪೊಲೀಸ್ ಸಿಬ್ಬಂಧಿಗಳು ಘನತರವಾದ ತಪ್ಪನ್ನೇ ಮಾಡಿದ್ದರು. ಬದುಕಿದೆಯಲೋ ಬಡಾ ಜೀವವೇ ಎಂಬಂತೆ ಹನುಮ್ಯ ಜಿಗಿದು ಬೇಲಿ ಹಾರಿ ಓಡಿದ್ದ ರಭಸಕ್ಕೆ ಪೊಲೀಸರು ಬಿಟ್ಟ ಕಣ್ಣು ಬಿಟ್ಟಂತೆಯೇ ಬೆಕ್ಕಸ ಬೆರಗಾಗಿ ನೋಡುತ್ತ ನಿಂತವರು ’ಅರೆ ಅರೆ ಅರೆ.. ಲೋ ಲೋ ಲೋ’ ಎನ್ನುವಷ್ಟರೊಳಗೆ ಹನುಮ್ಯ ಧಟ್ಟ ಕಾಡಿನೊಳಗೆ ಕಗ್ಗತ್ತಲಲ್ಲಿ ಕಣ್ಮರೆಯಾಗಿ ಬಿಟ್ಟಿದ್ದ! ದಿಕ್ಕು ಗೊತ್ತಿರದಿದ್ದರೂ ಅದಾವುದೋ ಜಾಡು ಹಿಡಿದು ಹೊರಟ ಹನುಮ ಅಲ್ಲೆಲ್ಲೋ ಕಲ್ಲು ಕೋರೆಯ ಸನಿಹದಲ್ಲಿ ಯಾರೋ ಒಣಗಿಸಿದ ಬಟ್ಟೆಯನ್ನ ತಾನು ತೊಟ್ಟು ಹೊರಟಿದ್ದ.. ತಾನು ಮೊದಲು ತೊಟ್ಟಿದ್ದ ಹಳದಿ ಬಣ್ಣದ ಅಂಗಿ ಕಳಚಿ ಎಸೆದಿದ್ದ. ಕಾಲಿನ ಚಪ್ಪಲಿ ಓಡುವ ರಭಸದಲ್ಲೇ ಎಲ್ಲೋ ಬಿಟ್ಟು ಓಡಿದ್ದ! ಹದಿನಾಲ್ಕು ದಿವಸ ನ್ಯಾಯಾಂಗ ಬಂಧನಕ್ಕೊಳಪಟ್ಟಿದ್ದ ಹನುಮಂತಪ್ಪ ಕಂಬಳಿ ಕಾಡಿನೊಳಗೆ ಸೇರಿ ಬಿಟ್ಟಿದ್ದ. ಪೊಲೀಸರು ಕಂಗಾಲಾಗಿ ಕೊನೆಗೆ ಕೆಲಸದಿಂದಲೂ ಸಸ್ಪಂಡ್ ಆಗಿ ಹೋಗಿದ್ದರು! ಹೇ ರಾಮ್!

ಚಾ ಕುಡಿದು ಹೋಗಿದ್ದ!

ಪೆರ್ಣಂಕಿಲದ ಕಾಡಿನಿಂದ ಹೊರಬಿದ್ದ ಹನುಮ್ಯ ಅಲ್ಲೇ ಇದ್ದ ಸಣ್ಣದೊಂದು ಕ್ಯಾಂಟೀನಿನಲ್ಲಿ ಚಾ ಕುಡಿದು ತಿಂಡಿ ತಿಂದು ಹೋಗಿದ್ದ! ಒಂದು ಕಡೆ ಪೊಲೀಸರು ಆತನನ್ನ ಹುಡುಕುತ್ತಲೇ ಇದ್ದರೂ ಹನುಮ್ಯ ತಾನು ಕಾಡಿನಲ್ಲಿ ಸುತ್ತಿ ಸುತ್ತಿ ಅದೆಷ್ಟೋ ಕಿಲೋಮೀಟರ್ ದೂರದ ಇನ್ನೊಂದು ಜಗತ್ತಿಗೆ ಬಂದಿದ್ದೇನೆ ಎಂದೇ ಭಾವಿಸಿದ್ದ! ಅಸಲಿಗೆ ಕಾಡಿನೊಳಗೆ ಸುತ್ತಿ ಸುತ್ತಿ ಹನುಮ ಪೆರ್ಣಂಕಿಲಕ್ಕೇ ಬಂದು ತಲುಪಿದ್ದಾನೆ.. ಮರುದಿನದ ಪತ್ರಿಕೆಯಲ್ಲೆಲ್ಲಾ ಹನುಮನ ಪೊಟೋ ಪ್ರಕಟಗೊಂಡಿತ್ತು ತಾನೆ? ಮೊದಲೇ ರೇಪ್ ಅಂಡ್ ಮರ್ಡರ್ ಆರೋಪಿ! ಜನರೂ ಭಯಬೀತರಾದರು. ಸಾರ್ವಜನಿಕರೂ ಪೊಲೀಸರಿಗೆ ಸಹಕರಿಸಲು ಆರಂಭಿಸಿದರು. ಪೆರ್ಣಂಕಿಲದ ಮನೆಯೊಂದರಲ್ಲಿ ಹನುಮ್ಯ ಊಟವನ್ನ ಕೇಳಿದ್ದ, ಮನೆಯ ಮಹಿಳೆ ಊಟವನ್ನೂ ಕೊಟ್ಟಿದ್ದರು. ನಂತರ ಅನುಮಾನಗೊಂಡು ಪೊಲೀಸರಿಗೂ ಮಾಹಿತಿಯನ್ನ ಕೊಟ್ಟಿದ್ದರು. ಹಾಗಾಗಿ ಹನುಮ್ಯನನ್ನ ಹಿಡಿಯುವುದಕ್ಕೆ ಪೊಲೀಸರಿಗೆ ಹೆಚ್ಚು ಸಮಯ ಬೇಕಿರಲಿಲ್ಲ! ಹಿರಿಯಡ್ಕ ಪೊಲೀಸ್ ಠಾಣೆಯ ಪಿ.ಎಸ್.ಐ. ಜಯಂತ್ ಕಾಯ್ಕಿಣಿ ಆತನನ್ನ ಬಂಧಿಸಿ ತಂದರು.. ನಂತರ ವಿಚಾರಣೆ ನಡೆಸಿ ಉಡುಪಿ ನ್ಯಾಯಾಲಯಕ್ಕೆ ಹಾಜರು ಪಡಿಸಿ ಹಿರಿಯಡ್ಕ ಜೈಲಿಗೆ ಬಿಟ್ಟು ಬಂದರು! ಈ ಸಾರಿ ಮಾತ್ರ ಹನುಮ್ಯನನ್ನ ಭಾರೀ ಜಾಗರೂಕತೆಯಲ್ಲೇ  ಬಂಧಿಸಿ ಕರೆದೊಯ್ದಿದ್ದರು! ಖುದ್ದು ಪಿ.ಎಸ್.ಐ. ತಾನೇ ಜೈಲಿಗೆ ಬಿಟ್ಟು ಬಂದಿದ್ದರು.. ಕೊನೆಗೂ ಉಡುಪಿ ಪೊಲೀಸರು ಮುಖ ಉಳಿಸಿಕೊಂಡಿದ್ದಾರೆ! ಇನ್ನು ಮುಂದಾದರೂ ಪೊಲೀಸರು ಎಚ್ಚರಿಕೆಯಲ್ಲಿರಲಿ

-ವಸಂತ್ ಗಿಳಿಯಾರ್

Leave a Comment